جب وہ نئے نویلے ہوتے ہیں
ابھی انڈے سے برآمد ہوئے
اپنے خول سے
ہر نوجوان
کی نظر میں بُڈھے
گدھے ہوتے ہیں۔

جب وہ آئے
گنجے سر لے کر
بھورے بالوں والے
اِن سب بُڈھے حقوں
کی نظر میں جوان
گدھے ہوتے ہیں۔

میں جو دونوں عمروں کے درمیان ڈگمگا رہا ہوں
دونوں کو ایک پیغام دینا چاہتا ہوں

وقت سے کچھ نہیں ہوتا
جو گدھا ہوتا ہے، گدھا ہوتا ہے
کہ عمر بیس سال ہو، یا بندہ دادا ہو
جو گدھا ہوتا ہے، گدھا ہوتا ہے

بس اب جھگڑا ختم کرو
دقیانوس گدھے یا نومولود

پچھلی برسات کے چھوٹے گدھے
یا ازلی برف کے بُڈھے گدھے

تم، نومولود گدھے
معصوم گدھے
جوان گدھے
جو، اب جُھٹلانا نہ، بُڈھوں کو گدھا سمجھتے ہو۔۔۔

تم، کُہن سال گدھے
چلے ہوئے گدھے
بُڈھے گدھے
جو، مان لو اب، چھوٹوں کو گدھا سمجھتے ہو۔۔۔

غور کرو اِس غیر جانبدار پیغام پر
عُمروں کے درمیان ڈگمگانے والے کا

وقت سے کچھ نہیں ہوتا
جو گدھا ہوتا ہے، گدھا ہوتا ہے
کہ عمر بیس سال ہو، یا بندہ دادا ہو
جو گدھا ہوتا ہے، گدھا ہوتا ہے

ماخذ: Youtube.com