جدید فیس بک اردو لغت – عاطف حسین

یہ لغت تیجو کول کی مرتب کردہ لغت سے تشویق پا کر مرتب کی گئی ہے۔

 

1۔ جمہوریت: نوازشریف

2۔ عمران خان (ا): دیوتا

3۔ عمران خان (2): یہودی، طالبان

4۔ یوتھیا: جو شخص نواز شریف سےمحبت کو جمہوریت کا استعارہ نہ سمجھے

5۔ پٹواری: جو شخص عمران خان کو معصوم عن الخطاء نہ سمجھے

6۔ اسٹبلشمنٹ: فوج

7۔ حب الوطنی: اسٹبلشمنٹ کی غیر مشروط حمایت

8۔ بوٹ پالشیا: جو شخص فوج سے خدا واسطے کا بغض نہ رکھے

9۔ آزادی اظہار: آپ کا دوسروں کی بے عزتی کرنے کاحق

10۔ اخلاقیات: وہ تصور جو اپنے مخالفین کے ان رویوں کی مذمت کیلئے استعمال ہوتا ہے جو آپ خود ان کے ساتھ روا رکھتے ہیں۔

11۔ اوئے: ایک بدترین گالی

12۔ سائنس: لیپ ٹاپ اور اینڈرائیڈ فون

13۔ اورنگزیب عالمگیر: تاریخ انسانی کا بدترین بادشاہ

14۔ تبدیلی: پرانے لوگوں کے ساتھ لایا جانے والا انقلاب

15۔ کرپٹ سیاستدان : وہ سیاستدان جو تحریک انصاف میں نہ ہو

16۔ ترقی: سڑکیں اور پل

17۔ دھاندلی: ہارنے والی جماعت کا بیانیہ

18۔ بیانیہ : جھوٹ

19۔ دانشوری: ایک ذہنی بیماری

20۔ مثبت سوچ: حقائق سے اغماض

21۔ لبرل: ملحد۔ اس کا کوئی اور مفہوم معلوم نہیں۔

22۔ اسلامسٹ: جاہل

23۔ سیکولر: ملحد

24۔ جماعت اسلامی: ایک لطیفہ

25۔ بلوچستان: ایک دور دراز علاقہ

26۔ قربانیاں: کرپشن کے کیس میں جیل جانا

27۔ پروفیسر ہودبھائی: ایک ملحد

28۔ یورپ: ایک ملک جہاں سب کچھ صحیح ہوتا ہے۔

29۔ پیپلز پارٹی (1): کرپٹ اور نااہل ترین جماعت

30۔ پیلپزپارٹی (2): واحد جمہوری جماعت

31۔ میچورٹی : بلاول بھٹو زرداری کا انداز تقریر

32۔ جہانگیر ترین: جہاز کا مالک

33۔ علامہ اقبال: ایک شاعر جسکی کتابوں کے نام مشکل ہیں۔

34۔ جون ایلیا: ایک عظیم شاعر۔

35۔ مودی: جس کا یار غدار ہوتا ہے

36۔ ایکٹیوسٹ: ایسا شخص جسکی فیسبک پروفائل میں ایکٹوسٹ لکھا ہوا ہو

37۔ بلاگر: ایسا فیس بک صارف جسے اٹھا لیا جائے۔

38۔ بچگانہ: جو چیز آپ کو پسند نہ آئے

39۔ مشرقی تہذیب: انیسویں اور بیسویں صدی کی ہندوستانی مسلم اشرافیہ کی تہذیب

40۔ ہماری اقدار: مڈل کلاس اقدار

41: پھکڑپن: وہ مزاح جس کا نشانہ آپکے عقائد یا پسندیدہ شخصیات ہوں

42: مزاح: وہ پھکڑپن جس کا نشانہ آپ کے مخالف کے عقائد یا پسندیدہ شخصیات ہوں.

43: شاندار تجزیہ: آپ کے تعصبات کی تائید کرنے والا تجزیہ

44: ریاست مدینہ: یورپ

45: یہود و ہنود: ایک سازشی قوم

46: یہودی: فری میسنری، ایلومیناٹی، صہیونی

47: لفافہ: تحریک انصاف کے خلاف بولنے والا صحافی

48: غیر جانبدار صحافی: نون لیگ کے حق میں بولنے والا صحافی

49: عامر لیاقت حسین: عامر لیاقت حسین۔ یہ لفظ صرف خود ہی اپنے آپ کو بیان کرسکتا ہے۔

50: انصاف : جج کا خیال

 

Recommended Posts
Showing 2 comments
  • Muhammad Asir Ajmal
    جواب دیں

    واہ مزہ آ گیا جناب۔

  • kamil
    جواب دیں

    bhoot khoob atif bahi

Leave a Comment

Jaeza

We're not around right now. But you can send us an email and we'll get back to you, asap.

Start typing and press Enter to search