نظم سلجھائے گا کون۔ سرمد سروش

 In نظم

آپ گھبرائیں نہیں!

لوگ میری نظم کی تفہیم تک آئے تو کیا!!

یہ پسِ مفہوم کوئی نقش پا سکتے نہیں

آپ تک ہرگز بھی آ سکتے نہیں

 

انگبیں کے ذائقے سے پھول تک آیا کوئی؟

کیا وجود ِگل کے معنی تک پہنچ پایا کوئی؟

معنویت کا لق و دق پارکر پایا کوئی؟

تجرید تک آیا کوئی؟

تجرید سے ماقبل کے جو ذائقے معدوم ہیں

انگبیں کے ذائقے میں وہ بھی سب مرقوم ہیں

ان کو چکھ پایا کوئی؟

 

آپ کیوں گھبرا گئیں!!

آپ تک آئے گا کون!!

نظم سلجھائے گا کون!!

 

 

ماخذ: نظموں کا در کُھلتا ہے

انتخاب: نعمان فاروق

Recommended Posts

Leave a Comment

Jaeza

We're not around right now. But you can send us an email and we'll get back to you, asap.

Start typing and press Enter to search